الأسئلة الشائعة

الطلب والدفع

كيف أطلب من كرتون؟

تختار المنتج، وبعدها المقاس والخامة والكمية، والسعر يطلع لك قدامك. تضيفه للسلة وتدفع من الموقع. بعد الدفع نكلمك على الواتساب عشان التصميم.

كم أقل كمية؟

حسب المنتج: العلبة المغناطيسية من ١٠ حبات، وأغلب العلب والأكياس والكروت من ٥٠٠ حبة. تشوف أقل كمية لكل منتج في صفحته.

كم السعر؟

السعر يطلع لك في صفحة المنتج على حسب المقاس والخامة والكمية والإضافات اللي تختارها، قبل ما تضيفه للسلة. تشوف سعر الكمية كاملة، وتحته سعر الحبة.

هل ينضاف شي على السعر؟

ما ينضاف إلا التوصيل، وتوصيل العينة المطبوعة لو طلبتها، ويطلع لك في السلة قبل ما تدفع.

وش طرق الدفع؟

مدى، وأبل باي، وفيزا، وماستركارد. تدفع المبلغ كامل من الموقع.

أقدر أطلب أكثر من منتج في طلب واحد؟

إيه. تقدر تجمع علبة وكيس وستيكر وكرت بنفس الهوية، أو مقاسين من نفس المنتج. تضيف كل واحد للسلة وتدفعها مرة وحدة.

أقدر ألغي طلبي؟

تقدر تلغي قبل ما تعتمد التصميم، ونرجع لك المبلغ كامل على نفس طريقة الدفع. بعد اعتماد التصميم وبداية التنفيذ ما نقدر نلغي، لأن الشغل مطبوع بتصميمك أنت.

التصميم والعينات

ما عندي تصميم، تسوونه؟

إيه، ومجاناً. بعد الدفع ترسل لنا شعارك وفكرتك على الواتساب، ومصممنا يجهز لك التصميم.

وش أرسل لكم من ملفات؟

صورة الشعار أو ملف PDF أو AI أو EPS أو PSD. كل ما كان الملف أوضح، كانت الطباعة أنظف.

متى تبدأ الطباعة؟

بعد ما تعتمد التصميم. نرسل لك صورة التصميم على المنتج، وما نطبع إلا بعد موافقتك.

أقدر آخذ عينة قبل الكمية كاملة؟

إيه، بعد الدفع. نرسل لك صورة العينة مجاناً، ولو تبيها مطبوعة نوصلها لك وتدفع توصيلها بس، وتزيد مدة التنفيذ من ٢ إلى ٥ أيام عمل.

الألوان بتطلع نفس الشاشة؟

الألوان على الشاشة تختلف شوي عن المطبوعة، وتختلف بين خامة وخامة، والكرافت البني يغيّر أي لون ينطبع عليه. لو عندك لون دقيق، قل لنا قبل اعتماد التصميم.

المقاسات

المقاسات داخلية ولا خارجية؟

مقاسات العلب والكراتين في الموقع داخلية، يعني المساحة اللي ينحط فيها منتجك.

أقدر أطلب مقاس خاص؟

ما نسوي مقاسات خاصة. نشتغل على المقاسات اللي في صفحة كل منتج.

كيف أعرف المقاس المناسب لمنتجي؟

قيس منتجك طول وعرض وارتفاع، وخذ مقاس أكبر منه شوي عشان يدخل بدون ضغط ويبقى مكان للحماية لو تحتاجها. لو محتار بين مقاسين، أرسل لنا مقاس منتجك على الواتساب ونقول لك.

التنفيذ والتوصيل

كم ياخذ الطلب وقت؟

من ٣ إلى ١٠ أيام عمل من يوم ما تعتمد التصميم لين يوصلك، شامل التوصيل لأي مدينة.

توصلون لمدينتي؟

نوصل لكل مدن السعودية من الرياض. سعر التوصيل يطلع لك في السلة قبل ما تدفع.

كيف أتابع طلبي؟

من حسابك في الموقع تشوف حالة طلبك، ونحدثك على الواتساب في كل خطوة.

عن كرتون

مين كرتون؟

كرتون للتغليف شركة سعودية بفريق سعودي: نطبع علب وكراتين وأكياس وأكواب وستيكرات وكروت بشعارك، من الرياض لكل مدن السعودية. وراها خبرة أكثر من ١٥ سنة في الطباعة والتغليف.

هل كرتون شركة سعودية؟

إيه، كرتون شركة سعودية ١٠٠٪، وفريق سعودي متكامل يتابع طلبك من أول خطوة لين يوصلك. مقرنا الرياض في حي الملقا، وسجلنا التجاري 7055012772، ونطبع ونوصل لكل مدن السعودية.

كيف أتواصل معكم؟

على الواتساب 0553865855، ونرد عليك خلال أقل من ٦٠ دقيقة.