الشروط والأحكام

الشراء من الموقع

السعر اللي يطلع لك في صفحة المنتج هو سعر المواصفات اللي اخترتها بالضبط. وفوقه سعر التوصيل على حسب مدينتك وكميتك، يطلع لك في السلة قبل ما تدفع، وما ينضاف شي غيره.

تدفع المبلغ كامل مقدماً عن طريق ميسر، بمدى أو أبل باي أو البطاقة.

بعد الدفع

نكلمك على الواتساب، وترسل لنا تصميمك، أو يسويه لك مصممنا لو طلبت هذا. نرسل لك صورة للتصميم على المنتج، وما نبدأ الطباعة إلا بعد ما توافق عليها.

عرض السعر

السعر اللي نعطيك إياه على الواتساب مبني على المواصفات اللي أرسلتها. لو تغيّر شي في المقاس أو الخامة أو الكمية أو الطباعة، السعر يتغير معه. العرض ما يصير ملزم إلا بعد ما نتفق على التفاصيل النهائية.

التصميم

ما نبدأ في أي طلب قبل ما تعتمد التصميم النهائي بشكل واضح. أنت المسؤول عن محتوى تصميمك وعن حقك في استخدام أي شعار أو صورة أو خط فيه. لو التصميم فيه شي ما يخصك، ما نقدر نطبعه.

الألوان

الألوان على الشاشة تختلف عن الألوان المطبوعة، وتختلف كمان بين خامة وخامة. الكرافت البني يغيّر أي لون ينطبع عليه. لو اللون دقيق عندك، قل لنا قبل الاعتماد ونتفاهم عليه.

المقاسات

المقاسات اللي في الموقع هي المقاس الداخلي للعلبة، يعني المساحة اللي بينحط فيها منتجك. وفيه فرق بسيط مسموح فيه في التصنيع، زي أي شغل طباعة.

التوصيل

نوصل لكل مدن السعودية. أي مدة نقولها لك هي مدة متوقعة تبدأ من يوم اعتماد التصميم، مو من يوم أول رسالة. التأخير اللي يصير من شركة الشحن خارج سيطرتنا.

الإلغاء والاسترجاع

تقدر تلغي أي طلب قبل ما تعتمد التصميم، ونرجع لك المبلغ كامل على نفس طريقة الدفع. بعد ما تعتمد التصميم ويبدأ التنفيذ ما نقدر نلغي ولا نرجع المبلغ، لأن الشغل مفصّل على تصميمك أنت وما ينباع لأحد ثاني.

لو صار خطأ

لو وصلك شي مختلف عن اللي اعتمدته، كلمنا على طول وأرسل لنا صور. نصلح الخطأ اللي يكون من عندنا.

تصميمك ملكك

تصميمك يبقى ملكك. ما نستخدم صور شغلك في حساباتنا ولا في الموقع إلا بعد ما نستأذنك.

تواصل معنا

واتساب 0553865855 أو [email protected].