سياسة الخصوصية

وش نجمع عنك

لما تطلب عرض سعر من الموقع، يوصلنا: رقم الواتساب اللي كتبته، ومواصفات الطلب اللي اخترتها (النوع والمقاس والخامة والطباعة والكمية)، والملاحظات اللي كتبتها، والملفات اللي رفعتها إن رفعت شي، ورقم مرجعي للطلب.

لعرض السعر ما نطلب منك اسم ولا بريد ولا عنوان.

لو اشتريت من الموقع

تسجل دخولك برقم جوالك، ونرسل لك رمز تحقق برسالة نصية عن طريق شركة أوثنتكا (Authentica). نحفظ رقم جوالك، والطلبات اللي سويتها، وعنوان التوصيل واسم المستلم اللي كتبتهم، وملاحظاتك على الطلب.

الدفع يصير في صفحة ميسر (Moyasar). بيانات بطاقتك تروح لهم مباشرة، وما توصلنا ولا نحفظها.

نحفظ في متصفحك كوكي واحد عشان تبقى مسجل دخول، ويروح بعد ٣٠ يوم أو لما تسجل خروج. آخر عنوان كتبته ينحفظ في متصفحك أنت، مو عندنا.

السلة تنحفظ في متصفحك. ولما تكون مسجل دخول، تنحفظ بعد في حسابك عندنا، عشان تلقاها لو فتحت الموقع من جهاز ثاني، وعشان نقدر نساعدك تكمل طلبك. تنمسح من حسابك أول ما تدفع أو تفضّي السلة.

وين يروح

الطلب ينحفظ في جدول بيانات وملفات تصميمك تنحفظ في مساحة تخزين، الاثنين على حسابنا في Google وما يوصلهم أحد غيرنا. وبنفس اللحظة يفتح لك واتساب برسالة فيها نفس المواصفات عشان ترسلها لنا.

الحسابات والطلبات اللي من الموقع تنحفظ في قاعدة بيانات على Cloudflare، وما يوصلها أحد غيرنا.

ما نبيع بياناتك ولا نشاركها مع أي جهة تسويق.

القياس والإحصائيات

نستخدم Cloudflare Web Analytics عشان نعرف كم شخص زار الموقع وأي صفحات فتحها. هذي الخدمة ما تستخدم كوكيز وما تتعقب الأشخاص.

ونستخدم وسم Google Ads ووسم Snapchat عشان نعرف أي إعلان جاب زيارة تحولت لمحادثة واتساب. الوسمين يستخدمون كوكيز، ويوصلهم إن الزيارة صارت والصفحة اللي انفتحت، وما يوصلهم رقمك ولا اسمك ولا أي شي كتبته في الصفحة. لو ما تبيهم، تقدر توقف الكوكيز من إعدادات متصفحك أو تستخدم وضع التصفح الخاص، والموقع بيشتغل عادي.

كم نحتفظ فيه

نحتفظ بطلبات عروض الأسعار وملفات التصاميم ما دامت الشغلة شغالة معك أو فيه احتمال نرجع لها. لو طلبت الحذف، نحذفها.

الطلبات المدفوعة نحتفظ فيها لأننا نحتاجها للحسابات ولو صار عندك أي مشكلة في الطلب بعدين.

حقك

تقدر تطلب نسخة من بياناتك أو حذفها في أي وقت. كلمنا على الواتساب أو على البريد وقل لنا رقم الطلب أو رقم جوالك، ونتصرف.

واتساب

المحادثة نفسها تصير داخل واتساب، وهي تتبع سياسة واتساب وشروطه، مو سياستنا. اللي نتحكم فيه هو اللي ينحفظ عندنا.

تواصل معنا

لأي سؤال عن الخصوصية أو طلب حذف: واتساب 0553865855 أو [email protected].